Hockey Mizoram buatsaih ''Mizoram 5s Open Hockey Tournament 2022,'' chu 27th September - 1st October 2022 chhungin Chaltlang field ah neih a ni a, he tournament hi tluang taka zawh fel a ni. Khuallian atan Pu k. Lalhamngaihzuala, MSS, Joint Director, Sports & Youth Services sawm a ni.

               Final match hmasa zawk hi hmeichhe lamin khel in chhun dar 12:00 pm ah Durtlang Hockey Association (Women) leh Outlaws Hockey Team (Women) ten an khel a. He inkhelah hian Outlaws Hockey Team chuan 3-1 in Durtlang Hockey Association hi hnehn-in ''Mizoram 5s Open Hockey Tournament 2022,'' Champion an ni a, nomawi leh tangka fai an dawng a ni.

               Mipa Final match hi dar 1:30 pm ah Notea & Atea Memorial Hockey Team (Kawnpui) leh Duhsanga Memorial Hockey Club (Kawnpui) ten khel ve leh in, hun pangai-ah 1-1 a an in hnehtawk hnu in Penalty Stroke hmangin chak zawk zawn a ni a, penalty stroke ah hian ah hian Notea & Atea Memorial Hockey Team (Kawnpui) chuan 3 - 1 a hnehna changin '',Mizoram 5s open Hockey Tournament 2022,'' Champion an ni ta a ni. Champion team hian nomawi leh tangkai fai an dawng a ni