India Women Hockey Team atan Lalremsiami leh Marina Lalramnghaki te thlan an ni.

Hockey India chuan SAI Centre, Bengaluru a National Coaching Camp ah player 60 a koh zingah hian Mizo nula Panga:-

1. Lalremsiami Hmar, Kolasib- RCF,Kapurthala(Punjab),

2. Lalhlunmawii, Thenzawl, -Central Railways(Mumbai),

3. Lalrindiki, Hnahthial- Central Railways(Mumbai),

4. Marina Lalramnghaki, Kawnpui- South Eastern Railways(Kolkata),

5. Merabi Lalruatfeli,Tuipui D-NCOE(New Delhi) te an tel.

 

March ni 30 khan in report in kar khat zet zawt an camp hnuah Players thlitfimna neih a ni ta a, India Women Core Team a tel turin Lalremsiami(Forward) leh Marina Lalramnghaki(Midfielder) te chu thlan tel an ni.

Tuna player thlan bikte hian May 22 aṭanga khelh tur FIH Hockey Pro League an hmachhawn ang.

Hockey Mizoram chuan players dangte pawh hi an la hlawhtlin ngei a beisei.

March 13th-23rd chhunga 14th Hockey India Senior Women National Championship 2024 ( Pune, Maharashtra) a neih zawh takah khan Hockey Mizoram chuan team tir chhuakin, Quarter final ah inhlankai a ni a, tunah hian India Senior Women Ranking ah Hockey Mizoram chu No 6 kan ni phak mek, National Games lo awm turah khel turin kan inhlangkai ta chiah bawk.

Tin, April ni 30 atanga tan tur India National Women Hockey League- Phase 1 khel phak 8 zingah tel bawkin, League a tel ngei tum a ni.

Hetianga Players Ropui India aiawh tur leh India team tha zual Top Eight ah Mizoram kan tel thei hi Hockey Mizoram chuan lawmawm a ti tak zet a ni.

He hlawhtlinna min thlenpuitu Hockey Mizoram hruaitu lo ni tawh zawng zawng te, ni lai mek te, coach leh players zawng zawng te thawhrimna te, thahnem ngaihna te Hockey Mizoram chuan a chhuang tak zet zet a; hmasawnna leh hmabak hlen tur kan la neih tam tak te huaisen leh taima taka hmachhawn zel turin duhsakna sang ber kan hlan e.