India-in Olympic Games 2036 thlen a tum a, a tam thei ang Mizo tel ngei se a duhzia lantir nan Lalremsiami a insengso a, Mizoram hockey-in hma a sawn theih nan stick 200 leh ball 120 a pe.

Ni 30 Jan, 2025 khan Hockey Mizoram office, Tuikhuahtlang, Aizawlah inkhawm Stick leh ball semna hun pawimawh tak hi buatsaih a ni a; District Hoceky Association 10 hnenah Siami'n hockey stick 20 ṭheuh leh ball 12 ṭheuh a hlan a ni.

He hun hi Hockey Mizoram Sr.Vice President Pu Lalhmuchhuaka’n kaihruaiin, Fin.Secretary Pi Lalhlimpuii’n hunserh a hmang; Gen.Secy Pu Lalrinfela hnen atangin report ngaihthlak a ni a; PC.Lalbiakliana- Finance Secretary , Serchhip Dictrict Hockey Assn. ; Pu Lalparmawia- Secretary, Mamit District Hockey Assn.; leh Lalsiamliana-Vice President, Aizawl District Hockey Assn. te hnen atangin thusawi ngaihnawm tak ngaihthlak a ni bawk.